Kategoriaren artxiboak: II. EH Futbol Txapelketa

II Euskal Herriko Futbol Txapelketa

Eibar 0 Alaves 1; goranzko ibilibidean lehen hiru puntuak erdietsi ditu Alavesek


Argazkia: JUANAN RUIZ/FOKU [berria.eus]

→ berria.eus: Egun txarra etxekoentzat
→ naiz.eus: Amets europarra zapuztu dio Alavesek Eibarri (0-1)

Eibar 0 – 1 Alaves

Eibar: Dmitrovic; Ruben Peña, Arbilla, Ramis, Junca; Dani Garcia (Jordan, 69′), Junca; Pedro Leon Orellana (Ivan Alejo, 84′), Inui (Capa, 77′); Kike Garcia.

Alaves: Pacheco; Martin, Laguardia, Rodrigo, Duarte; Pina, Manu Garcia; Sobrino (Alexis, 85′), Ibai (Munir, 80′), Pedraza (Wakaso, 72′); Guidetti.

Golak:
[0-1]
5′ Guidettik

Alavesek bere helburua lortu du, jokoan ziren hiru puntuak eskuratzea, alegia. II. Euskal Herriko Txapelketaren finala erabakita dago dagoeneko. Lehen postuan Reala eta bigarrenean Athletic izango Txapelketako sailkapenaren amaieran ere. Baina oraindik ikusteko dago 3. postuan nork hartuko duen. Gaurko partidarekin Alavesek lehen hiru puntuak ezarri ditu sailkapeneko azken laukian, baina oraindik beste partida falta zaio jokatzeko, Athleticen kontra, Mendizorrotzan.

Gaurko norgehiagokari begira jarrita, 5. minutuan sartutako golak erabaki du lehiaketa. Azken batean, lehenengo zatian Alavesek gola sartzeaz gain jokoa ere kontrolatu egin du, eta bigarren zatian Eibarrek gora egin arren ezin izan du golik sartu. Gora, beraz, Alavesek egin du Abelardok taldearen agintea hartu zuenekik hona, eta gaurkoan joera hori berretsi besterik ez du egin.

II. EH Txapelketaren hurrengo partida:

Real Sociedad Athletic

Apirilak 28, larunbata, 18:30, Anoeta

EH Txapelketa. Sailkapena, emaitzak, egutegia

Eibar 0-0 Real Sociedad, Errealak eta Athleticek jokatuko dute II. Euskal Herriko Txapelketaren finala

→ berria.eus: Eibarrek eta Realak berdindu egin dute, golik gabe
→ naiz.eus: Derbia derbi, eta golik gabeko neurketa Ipuruan (0-0)

Eibar 0 – 0 Real Sociedad

Eibar: Dmitrovic, Ruben Peña, Ramis, Arbilla, Jose Angel (Capa, 65′), Pedro Leon, Joan Jordan, Diop, Inui (Orellana, 78′), Kike Garcia, Charles (Escalante, 26′).
Real Sociedad: Moya; Odriozola, Elustondo, Raul Navas, De la Bella; Illarramendi (Zubeldia, 89′), Llorente, Zurutuza, Juanmi (Januzaj, 72′), Willian Jose (Agirretxe, 77′), Oiartzabal.

Golak:
[0-0]

Ipuruako partidaren ostean, berdinketarekin, sailkapenari begiratu bat eman, eta baditugu II. Euskal Herriko Txapelketaren finala jokatuko dituzten bi taldeak: Erreala eta Athletic [Errealak 11 puntu; Athleticek 8; Eibarrek 5; Alavesek 0]. Matematikoki Athleticek eta Eibarrek 8 punturekin amaitu lezakete denboraldia, baina bien arteko norgehiagoken emaitzak kontuan izanda, Athletic aurretik izango litzateke hala ere.

Jokoaz, Eibarrek zein Errealak aukerak izan dituzte golak sartzeko, baina markagailuari begira, aukerak eta golak ez dira gauza bera. Punteria gutxi, edo baloiaren borobila. Azkenean atean sartu ezinean. Eibarrek galdu ditu aurtengo txapelketa leihatzeko aukera guztiak.

II. EH Txapelketaren hurrengo partida:

Eibar Real Sociedad

Apirilak 15, igandea, 12:00, Ipurua

EH Txapelketa. Sailkapena, emaitzak, egutegia

Real Sociedad 2 Alaves 1 : Erreala txapelketako finalari begira


Argazkia: Juan Carlos RUIZ / ARGAZKI PRES [berria.eus]

→ berria.eus: Realak 2-1 irabazi dio Alavesi derbian
→ naiz.eus: Hasierako errenta baliatu du Realak Alavesen aurkako derbia irabazteko (2-1)

Real Sociedad: Moya; Odriozola, Llorente, Hector Moreno, De la Bella; Ilarramendi, Zubeldia; Januzaj (Willian Jose, 68′), Canales, Oiartzabal; Bautista (Zurutuza, 46′).

Alaves: Pacheco; Martin, Laguardia, Rodrigo Ely, Duarte (Hernan Perez, 79′); Ibai Gomez (Burgui, 80′), Daniel Torres (Alvaro Medran, 65′), Pina, Pedraza; Guidetti, Ruben Sobrino.

Golak:
[1-0] 5′ Hector Morenok
[2-0] 11′ Ilarramendik
[2-1] 39′ Pedrazak

Errealak partida hasi eta 11. minuturako bi gol sartuta bideratu egin du neurketa. Alavesek aldea murriztu du lehen zatian, aukera gehiago ere izan ditu… baina 90. minutuak jokatuta markagailua ez da berriro mugitu.

Gauzak horrela, eta gaurko emaitza honekin, II. Euskal Herriko Futbol Txapelketako finalari begira gelditu da Erreala. Sailkapenean, eta lau taldeek launa partida jokatuta, 10 puntu ditu dagoeneko. Ez, matematikoki ez dago oraindik finalean sartuta eta futbolean azken minutua jokatu arte ezin da ezer ziurtzat eman. Hori bai, Alaves finaletik kanpo geldituko da, horretan ez dago zalantzarik.

II. EH Txapelketaren hurrengo partida:

Eibar Real Sociedad

Apirilak 1, igandea, 18:30, Ipurua

EH Txapelketa. Sailkapena, emaitzak, egutegia

Berdinketa zelaian, berdinketa markagailuan: Athletic 1 Eibar 1


Argazkia: MARISOL RAMIREZ / ARGAZKI PRESS [berria.eus]

→ berria.eus: Gutxirekin, ezin irabazi

Athletic: Herrerin, Lekue, Unai Nuñez, Etxeita, Saborit; Mikel Rico (Beñat, 78′), Iturraspe; Williams, Raul Garcia (Sabin Merino, 67′), Susaeta (Vesga, 87′); Aduriz.

Eibar: Dmitrovic; Arbilla, Ramis, David Junca (Capa, 78′), Diop; Inui, Ivi (Charles, 61′), Escalante, Ruben Peña; Orellana, Kike.

Golak:
[1-0] 50′ Adurizek
[1-1] 73′ Kikek.

Gutxik asmatu zuen emaitza Twitteren egiten dugun inkestan. Parte hartu zuten gehienek Athleticen alde egin zuten, hainbatek Eibarren alde eta gutxik iragarri zuten berdinketa. Baina horixe izan zen emaitza, jokoaren parekoa. Nahikoa hala ere Athleticek sailkapenaren buruan jartzeko, Errealak baino partida bat jokatuta.

II. EH Txapelketaren hurrengo partida:

Real Sociedad Alaves

Martxoak 4, igandea, 18:30, Anoeta

EH Txapelketa. Sailkapena, emaitzak, egutegia

Athletic 2 Alaves 0, lehen bueltaren azken partidan


Argazkia: MONIKA DEL VALLE/ARGAZKI PRESS (berria.eus)

→ berria.eus: Athletic 2-0 nagusitu zaio Alavesi, urteko lehen derbian

Athletic: Herrerin; De Marcos (Lekue, 82′), Etxeita, Laporte, Saborit; Iturraspe, Rico; Williams, Raul Garcia (Beñat, 79′), Susaeta; Aduriz (Sabin, 90′).

Alavés: Pacheco; Duarte, Maripan, Alexis, Martin; Manu Garcia, Pina (Medran, 66′), Pedraza, Burgui (Bojan, 20′); Ibai Gomez (Ruben Sobrino, 72′), Munir.

Golak:
[1-0] 7′ Etxeita
[2-0] 63′ Aduriz (pen.)

Athletic erraz nagusitu da II. Euskal Herria Txapelketaren lehen bueltako azken partidan. Emaitza honekin, sailkapenean, Athletic Errealaren parean kokatu da 7 punturekin, Alaves hondo sakonean gelditzen den bitartean, orain arte puntu bat bera ere lortu gabe.

8. minuturako Etxeitak zulatu du Alavesen atea korner batean, eta aldeko haizea hartu du Athleticek gola horren goiz sartzearekin. Partidak ez du distira handirik izan horren ostean; oro har Athletic nagusi izan da jokoan. Murgik min hartu du 21. minutuan eta Abelardok aldatu behar izan du. Yerai bandatik berotzera irten denean, zaleen txaloak jaso ditu, baina azkenean ez du parte hartu jokoan. 63. minutuan Adurizek penaltiz bigarren gola sartu du eta hortik aurrera aukera gutxi izan dira markagailua aldatzeko.

II. EH Txapelketaren hurrengo partida:

Athletic Club S.D.Eibar

Urtarrilak 26, ostirala, 21:00. San Mames

EH Txapelketa. Sailkapena, emaitzak, egutegia