Etiketaren artxiboak: Alaves

Athletic 2 Alaves 0, lehen bueltaren azken partidan


Argazkia: MONIKA DEL VALLE/ARGAZKI PRESS (berria.eus)

→ berria.eus: Athletic 2-0 nagusitu zaio Alavesi, urteko lehen derbian

Athletic: Herrerin; De Marcos (Lekue, 82′), Etxeita, Laporte, Saborit; Iturraspe, Rico; Williams, Raul Garcia (Beñat, 79′), Susaeta; Aduriz (Sabin, 90′).

Alavés: Pacheco; Duarte, Maripan, Alexis, Martin; Manu Garcia, Pina (Medran, 66′), Pedraza, Burgui (Bojan, 20′); Ibai Gomez (Ruben Sobrino, 72′), Munir.

Golak:
[1-0] 7′ Etxeita
[2-0] 63′ Aduriz (pen.)

Athletic erraz nagusitu da II. Euskal Herria Txapelketaren lehen bueltako azken partidan. Emaitza honekin, sailkapenean, Athletic Errealaren parean kokatu da 7 punturekin, Alaves hondo sakonean gelditzen den bitartean, orain arte puntu bat bera ere lortu gabe.

8. minuturako Etxeitak zulatu du Alavesen atea korner batean, eta aldeko haizea hartu du Athleticek gola horren goiz sartzearekin. Partidak ez du distira handirik izan horren ostean; oro har Athletic nagusi izan da jokoan. Murgik min hartu du 21. minutuan eta Abelardok aldatu behar izan du. Yerai bandatik berotzera irten denean, zaleen txaloak jaso ditu, baina azkenean ez du parte hartu jokoan. 63. minutuan Adurizek penaltiz bigarren gola sartu du eta hortik aurrera aukera gutxi izan dira markagailua aldatzeko.

II. EH Txapelketaren hurrengo partida:

Athletic Club S.D.Eibar

Urtarrilak 26, ostirala, 21:00. San Mames

EH Txapelketa. Sailkapena, emaitzak, egutegia

Eibarrek gora: Alaves 0 Eibar 1


Argazkia: JANAN RUIZ/ARGAZKI PRES [berria.eus]

→ berria.eus: Eibarrek eraman du jaitsieratik urruntzeko derbia

Alaves: Pacheco, Alexis (Vigaray, 8′), Maripan, Rodrigo Ely, Ruben Duarte, Pina (Munir, 66′), Manu Garcia, Wakaso, Sobrino (Burgui, 59′), Ibai, Santos

Eibar: Dmitrovic, Capa, Paulo, Arbilla, Junca, Ivan Alejo (Peña, 77′), Dani Garcia, Jordan, Inui (Sarriegui, 86′), Enrich (Kike Garcia, 90′), Charles

Golak:
[0-1] 33′ Jordan
[0-2] 69′ Charle
[1-2] 91′ Paulo

Eibarrek gora egin du Mendizorrotzan, zelaian zein sailkapenean. Hasieratik eraman du balioa nahi zuen lekura, eta azkenean, Alavesen atearen barrura. Bigarren zatian emaitza blindatu eta azken momentuan sartu du gola Alavesek.

II. EH Txapelketaren hurrengo partida:

Athletic Club Real Sociedad

Abenduak 16, larunbata, 16:15. San Mames

EH Txapelketa. Sailkapena, emaitzak, egutegia

Antzeko, ez markagailuan baina: Alaves 0 Real Sociedad 2


Argazkia: ADRIAN RUIZ DE HIERRO / EFE [berria.eus]

→ berria.eus: Arriskua: sari eta zigor

ALAVES: Pacheco, Alexis, Maripán, Ely, Duarte; Dani Torres (Bojan, 79′), Manu García; Ibai Gómez (Vigaray, 63′), Medrán (Katai, 63′), Pedraza; eta Munir.

REAL SOCIEDAD: Rulli; Odriozola, Aritz, Llorente, Kevin Rodrigues; Illarramendi, Zubeldia, Xabi Prieto; Juanmi (Januzaj, 66′), Oyarzabal (Canales, 87′) y Willian Jose.

GOLAK:
[0-1] 76′ Oyarzabal
[0-2] 80′ Elustondo

II. Euskal Herriko Txapelketaren bigarren jardunaldian, partidaa berdindua ikusi dugu Mendizorrotzan. Aukera gutxi ate aurrean eta aukera horiek baliatu duenak garaile izan dugu. Horrelakoa dira gauzak partida amaitu eta gero azaltzeko orduan. Jokalariak, talde bakoitza bere estiloa garatu, jokatu eta lehian nagusiak eraman ditu puntuak etxera.

II. EH Txapelketaren hurrengo partida:

Real Sociedad S.D.Eibar

Azaroak 5, igandea, 18:30. Anoeta

EH Txapelketa. Sailkapena, emaitzak, egutegia

Lehen Txapelketa Txapelik gabe

Euskal Herria Kirolak adierazi nahi du ez dela bere erabakia izan partida suspenditzea. Epaileak 89. minutuan eta markagailua binako berdinketarekin zegoela bere kabuz hartu du aldageletara joateko eta berriz zelaira ez irtetzeko erabakia. Epailea da zelai barruan autoritatea eta bertan nork jarraitu behar duen edo ez erabaki dezakeena. Berriz ere zelaira ez irtetzea erabaki duen momentutik, ezinezkoa zen garailea penaltietara erabakitzea aurrez adostuta zegoen moduan partida berdinketarekin amaitzen bazen. Epailerik gabe, ezin du jokoak jarraitu.

Euskal Herria Kirolaren partetik lehenik eta behin eskerrak eman nahi dizkiegu Lasesarrera gerturatu diren guztiei. Askok esfortzua egin behar izan dute euskal futbolaren festa izan behar zuena bizitzera etortzeko. Autoritateak, Juan Martinez de Irujo eta zalego guztia (2.500 ikusletik gora) futbolaz gozatzera etorri da Barakaldora eta halaxe zen baita ere gure nahia. Horregatik pena bat izan da jai honek horrelako amaiera edukitzea.

Jokatu diren 89 minutuak lehiakortasunez betetakoak izan dira. Liga hasteko egun gutxi faltan, ligako partida baten antza handia izan du, golak egon dira, jokaldi politak eta momentu batzuetan gehiegi berotu bada ere, kirol lehiaren barruan gertatzen diren gauzak izan dira denak. Horren adierazle nagusia da, talde biek elkartuta esan dietela agur harmailetan bildu diren guztiei.

Hori dela eta, aurten zoritxarrez, Lehenengo Euskal Herriko Txapelketa txapeldun gabe gelditu da. Datorren astean hasiko den denboraldian lau euskal talde izango ditugu Lehen Mailan lehian. Berriz ere biziko dugu derbien dema eta honek sailkapen berri bat emango digu, datorren urtean ere bi finalista izango ditugularik. Ia datorren urtean Juan Martinez de Irujok talde bati txapela jarri diezaiokeen.

EUSKAL HERRIA KIROLA

Txapeldunik ez, Euskal Herriko I. Futbol Txapelketaren finalean


Argazkia: Marisol Ramirez / ARP (Berria)

→ berria.eus: Eman gabe geratu da kopa

ATHLETIC 2 ALAVES 2
Eman gabe geratu da kopa
Athletic eta Alaves gogor aritu dira Euskal Herriko Txapelketako finalean, eta epaileak bertan behera utzi du partida neurketa amaitzeko bi minutu falta zirela, emaitza binakoa zela

2017-08-13 / Gorka Intxausti Aranguren

Athletic. Kepa;Saborit, Laporte, Boveda, Lekue; Cordoba, Vesga, San Jose, Susaeta; Raul Garcia, Williams. Herrerin, Aduriz, Mikel Rico, De Marcos, Etxeit, Sabin Merino eta Muniain bigarren zatian zelairatu ziren..

Alaves. Pacheco; Hector, Rodrigo Ely, Alexis, Vigaray; Ibai Gomez, Manu Garcia, Wakaso, Burgui; Santos, Ruben Sobrino. Maripan, Tomas Pina, Pedraza, Dieguez, Romero eta Dani Torres sartu ziren bigarren zatian.

Golak. 1-0.Vesgak (42. min.); 1-1. Ibai Gomezek (51. min.), 1-2. Adurizek (55. min.). 2-2. Santosek (86. min.)

Epailea. Daniel Palencia Caballero. Txartel horiak: Athleticeko Raul Garcia (10. min.) eta Etxeita (77. min.); eta Alaveseko Wakaso (35. min.), Maripan (59. min.) Txartel gorriak: Alaveseko Alexis (69. min.) eta Romero ()

Bestelakoak. 3.000 ikusle inguru Barakaldoko Lasesarre futbol zelaian.

Ez zen lagunarteko bat. Euskal Herriko Txapelketako finala zen, eta, harrigarria dirudien arren, ez zuen irabazlerik izan. Epaileak ez zuen neurria eman, eta partida bertan behera utzi zuen bi minutu besterik falta ez zela, bi taldeak gogorregi aritu zirela argudiatuta.

Hasieratik argi utzi zuen Luis Zubeldia Alaveseko entrenatzaileak partida final bat zela, eta ligan jokatuko duen hamaikakoa jarri zuen zelaian. Athleticek, aldiz, Europa ligako partida jokatuko du ostegunean, eta Kuko Zigandak ez zuen hamaikako titularra zelairatu.

Partida oso lehiatua izan zen, hasieratik. Horren erakusgarri Raul Garciak hamargarren minutuan ikusitako txartel horia. Ildo beretik jarraitu zuen lehen zatiak. Falta asko egin zituzten bi taldeek, eta oso bizi jokatu. Athletic hobeto hasi zen, baina Alavesek berehala hartu zion neurria Bilboko taldeari. Partidako lehen gola 42. minutuan heldu zen. Pachecok ezin izan zuen gelditu Mikel Vesgak urrutitik egindako jaurtiketa. 1-0ekoa atsedenaldian.

Bigarren zatian, partida aldatu egin zen. Aldatu eta gogortu. Hasi eta berehala, penaltia izan zen Alavesen alde. Ibai Gomezen falta jaurtiketak Adurizen eskuan jo zuen area barruan. Ibai Gomezek berak jaurti zuen penaltia, eta Herrerinek gelditu zuen arren, aldaratzean sartu zuen gola Athleticeko jokalari ohiak. Ez zen denbora asko igaro zuri-gorriek berriz aurrea hartu zuten arte. Jokaldi bikaina egin zuten Muniainek eta Lekuek, eta Adurizek buruz sartu zuen gola.

69. minutuan aldrebestu zen partida. Txartel gorria ikusi zuen Alexis Ruanok, eta epaileak jokoa gelditu zuen jokalariei lasaitasuna eskatzeko, kalera bota zuen jokalariak masailetatik heldu ziolako, mespretxuz. Partidaren bukaera oso nahasia izan zen. Penaltiz sartu zuen berdinketaren gola Alavesek; Santosek sartu zuen. Azken liskarra Romerok Saboriti egin zion sarrera gogor batek eragin zuen. Bi taldeetako jokalariak sartu ziren liskarrean, eta epaileak partida bukatzea erabaki zuen.

Bestalde, Euskal Herri mailako hurrengo finala Euskal Herria kopakoa izango da. Abuztuaren 27an jokatuko da, Elgoibarko Mintxeta zelaian (12:00). Athletic eta Reala ariko dira.

→ naiz.eus: El trío arbitral abandona el campo cuando Athletic y Alavés empataban a dos goles