Etiketaren artxiboak: Alaves

Bi entrenatzaileak partida iristeko irrikan

Entrenatzaileak

Euskal Herriko Txapelketaren bezperan Athletic eta Alaveseko entrenatzaileekin egon nahi izan dugu partidari begira beraien iritzia jakiteko. Jose Angel “Kuko” Ziganda eta Luis Zubeldía, bi entrenatzaile gazte, euskal jatorrikoak biak, debuta egiten dutenak euren aulkitan eta denboraldiko lehen titulua lortzea ohore bat izango zela pentsatzen dutenak.

  • Test interesgarria izango duzue Panathinaikosen partidaren aurretik batzuek eta liga hasi aurretik besteek, eta gainera titulu batekin jokoan: Euskal Herriko Txapela

Ziganda: Duda gabe, partida oso interesgarria izango da, Europako kanporaketa erabakigarriaren aurretik nola gauden jakiteko eta Lehen Mailako aurkari bat izango dugulako aurreran ere bai.

Zubeldía: Liga hasi baino lehen oso partida interesgarria edukiko dugu bai. Athletic talde sendoa da eta aurkari ona bat izango da guretzat. Gainera Txapela irabazteko aukera gehitu behar diogu guzti horri eta horregatik gogotsu hartuko dugu partida.

Alta, Athletic-Dinamo B. 03-08-201746

  • Biok debuta egiten duzue zuon aulkietan. Zer ezagutzen duzue bata besteaz eta entrenatzen duen taldeez?

Ziganda: Zubeldia entrenatzaile gaztea dela dakit, Ameriketan egin duen ibilbidean oso lan ona egin duena eta orain Europara dator munduko ilusio handienarekin. Berataz dakidana, futbol munduko jendeak eman dizkidan berriengatik da. Uste dut erronka polita daukala, futbola ulertzeko bere erara talde berritu bat moldatu nahiko duelako. Eta Alavesei dagokionez, iaz erakutsitako sendotasuna mantenduko duen taldea izango delakoan nago.

Zubeldía: Athletic talde oso konpletoa da. Jokoaren erregistro ezberdinak menperatzen ditu, jokalari ezagunek jokatzen dute bertan eta beti jokatzen du oso oldarkor. Denboraldi bikainak burutzen ari da eta guretzat oso proba ona izango da.

IMG_1767

  • Zuk Ziganda, badakizu zer den derbi batean entrenatzaile lanetan ibiltzea, baina suposatzen dugu hau, txapela batekin jokoan berezia izango dela baita ere zuretzat ezta?

Derbi guztiak dira bereziak, nahiz eta aurre-denboraldian jokatu eta txapela bat egonda jokoan are eta gehiago.

2KUKO-Athletic-Valladoli 22,07,201713

  • Zubeldía, Berriki zure euskal aurrekariak ezagututa, suposatzen dugu zuretzat ere partida berezia izango dela ezta?

Orain 36 urte dela jaio nintzenetik aitak beti esan izan dit “zu euskalduna zara, zu euskalduna zara”, baina Alavesekin fitxatu nuela esan nionetik ez dit ezer konfirmatu eta erantzunik gabe gelditu naiz. Beraz, informazioa bilatzen badaukat lana.

IMG_1768

  • Zer suposatuko luke Athletic edo Alavesentzat Euskal Herriko lehen txapelduna izatea?

Ziganda: Ohore bat litzateke, duda gabe, eta noski, iazko denboraldian derbietan egindako lan ona berrestea litzateke eta bide batez aurten izango ditugun demetara begira hasiera on bat ematea suposatuko luke.

Zubeldía: Beti da polita irabaztea eta titulu bat bada, asko ere gehiago. Denboraldia hasteko eta taldea indartzeko modu ezin hobea litzateke.

 

Euskal Herria Kirolatik, mila esker biei eta zorte on biharko lehen tituluan!

Juan Martinez de Irujok jarriko dio txapela larunbatean irabazleari

Irujo

Euskal tradizioan, garrantzia berezia dauka txapelak. Txapeldun hitza berak ere bertan dauka jatorria eta irabazleari txapela jarri ohi zaio. Beraz, berezkoa behar du izan, Euskal Herriko Txapelketan ere, irabazleak txapela jasotzea eta hau jartzeko nor hobeto gure artean egon den txapeldun handienetako bat baino. Horregatik, larunbateko partidaren amaieran irabazleari Juan Martinez de Irujok jarriko dio txapela.

Esku huskako pilotari handiak aurten hartu du erretiroa, bihotzean aurkitu zioten gaitz bat dela eta. 14 urte eman ditu profesional moduan eta bera da hiru txapel nagusiak (buruz burukoa, binakakoa eta lau eta erdikoa) urte berean janztea bi aldiz lortu duen pilotari bakarra. Guztira 13 txapel batu zituen eta bere jokatzeko eragatik esku huskako pilotara iraultza ekarri zuela esan daiteke.  Iberokoa futbol zalea ere badugu eta Barakaldon lehen pertsonan derbi polit bat bizitzeko prest agertu da, Euskal Herriko txapela nori jantzi behar dion jakin nahian.

Kalejira “Ofizialtasuna orain” lelopean

Bestalde, aipatu beharra dago, partidaren aurretik jai giroan murgildu nahi izan dutela Athletic eta Alaves zaleek eta hori dela eta, Herri Norte eta Iraultza 1921 taldeek kalejira bat antolatu dute, “Ofizialtasuna orain” lelopean, 18:00tan hasita Barakaldoko Bagatxa kaletik eta Lasesarre futbol zelairaino.

Lasesarre prest dago Euskal Herriko Txapela nork eramango duen ikusteko

Lasesarre 2

Barakaldoko Lasesarre futbol zelaia prest dago abuztuaren 12an Athletic-ek eta Alavesek nor baino nor gehiago Euskal Herriko lehen txapelaren bila jokatuko duten partida hartzeko. 2003an inauguratu zen estadioak ia 8000 ikusle biltzeko ahalmena dauka eta normalean 2. B mailan jokatzen duen Barakaldo taldearen partidak hartu baditu ere, Emakumezkoen Euskal Selekzioaren partidak, edota beste hainbat talderen partidak ikusi ahal izan dira bertan. Oraingoan, Euskal Herriko gizonezkoen Lehen Txapelketako finala hartuko du.

Lasesarre 3

Izen bereko auzoan kokatuta dagoen zelai moderno honek 1922ko jatorrizko futbol zelaia ordezkatzen du. 2003ko irailaren 30an jokatu zen bertan bere lehen norgehiagoka, Barakaldo eta Athletic-en artean hain zuzen ere eta bilbotarrek 2 eta 3 irabazi zuten partida hartan. Eduardo Arroyo arkitektoak diseinatuta, 9.260 metro koadroko azalera dauka eta Galindo ibaiaren eta trenbidearen artean dago kokatua. Arkitektonikoki berezia kanpotik, barruan deigarria da kolore anitzeko eserlekuak dituelako, baina baita zelai desmuntagarria delako eta beraz, aforoa handitzea beharko baluke ez luke arazorik edukiko. 105 metro luze eta 68 metro zabal da zelaia eta harmailak eraikuntza txikitan banatuta daude, 650 eta 300 pertsona hartzeko modukoak. Zatikatze honekin lortu nahi dena da jende mugimendua azkarra izan dadila eta trabatzerik ez gertatzea. Horrela gainera, sute bat edo ezbehar handi bat gertatuko balitz ebakuazioa oso azkarra izatea lortuko litzateke.

Lasesarre 5

Partida honetako bi aurkarientzat da berezia zelai hau. Alavesek 1928tik daki zer den Barakaldon jokatzea (orduan Lasesarre zaharrean) eta orain gutxi arte Bigarren B mailan jokatu izan du aurkari moduan bertan. Baina, zale babazorroek ondo gordeta dute Lasesarreko harmailetako oroitzapena, orain urte eta erdi, bertan jokatu baitzuten gasteiztarrek Bilbao Athletic-en aurkako partida eta derbi horretan 2 eta 3 (Manu Garciaren, gaur egun taldeko kapitainaren, golarekin) irabazita urte asko eta gero lehen mailara igotzeko garaipen bakarraren faltan gelditu ziren. Garaipen hori etxean, Mendizorrotzan, lortu zuten hurrengo jardunaldian Numantziari 2 eta 0 irabazita, eta arabarrek berriz ere lehen mailarako txartela eskuratu zuten.

xxxx

Athletic-entzat ere berezia da oso, bera izan baitzen zelaia inauguratu zuen taldeetako bat. Gainera, talde bizkaitarrak daukan filosofia dela eta, bigarren taldetik hainbat eta hainbat jokalari igo dira lehen taldera eta horietako askok jokatu izan dituzte Lasesarren partidak etxeko taldearen aurka. Jose Angel “Kuko” Ziganda bera ere hainbatetan egon da Barakaldoko zelaian entrenatzaile gisa, oraingoan baina, lehen taldearekin ahaleginduko da partida irabazten.

Lasesarre 1

Gainera, eta liga hasteko aste bat besterik falta ez dela kontutan hartuta, garbi dago, bai talde bat eta baita bestea ere sasoiko iritsiko dela lehiara. Titulu bat eta derbia dela kontutan hartuta gainera ziur partida beroa bezain polita ikusteko aukera izango dugula. Gogoratu behar dugu, partidarako sarrerak salgai daudela dagoeneko Kutxabankeko kutxazain berezietan eta baita Internet bidez ere (https://tickets.kutxabank.es/ES/description/?id=10884&site=984&b=1) 5, 15 eta 20 eurotan. Dagoeneko jendea hasi da animatzen hala ere oraindik sarrerak salgai aurki daitezke. Hurrengo egunetan Athletic-ek bere takilatan ere jarriko ditu salgai, Iraultza 1921 taldeak ere sarrerak salduko ditu eta zenbait tabernetan ere erosteko aukera egongo da.

 

 

 

Hiriak iragarkiz betetzen

IMG-20170728-WA0000

Geroz eta gutxiago gelditzen da Euskal Herriko gizonezkoen Lehen Txapelketako finala jokatzeko. Abuztuaren 12a bertan dago eta horrela adierazten digute gure hirietan aurki ditzakegun iragarkiek.

Bi taldeak buru belarri ari dira prestatzen denboraldi berria. Athletic-ek Europa Ligako kanporaketa dauka esku artean. Bucarest-en banakako berdinketarekin amaitu eta gero, San Mamesen erabakiko da hurrengo faserako txartela. Alavesek berriz, lagun arteko mordoxka bat jokatu ditu eta oraindik ere jokatuko ditu, Valentzia inguruan egingo duen stageaz gain. Beraz, Euskal Herriko gizonezkoen lehen txapela irabaztera sasoiko agertuko dira bi taldeak Lasesarrera. Partidaren araudia itxita dago dagoeneko, eta partida berdinketarekin amaituko balitz adibidez, penaltietara erabakiko litzateke, eta talde bakoitzak 6 aldaketa egin ahal izango ditu, hori bai, 3 txandatan, hau da hiru aldaketa bikoitz egin ahal izango dira.

Gogoratu behar dugu, partidarako sarrerak salgai daudela dagoeneko Kutxabankeko kutxazain berezietan eta baita Internet bidez ere (https://tickets.kutxabank.es/ES/description/?id=10884&site=984&b=1) 5, 15 eta 20 eurotan. Dagoeneko jendea hasi da animatzen hala ere oraindik sarrerak salgai aurki daitezke. Hurrengo egunetan Athletic-ek bere takilatan ere jarriko ditu salgai, Iraultza 1921 taldeak ere sarrerak salduko ditu eta zenbait tabernetan ere erosteko aukera egongo da.

 

Euskal Herriko Gizonezkoen Lehen Txapelketako Finalerako Sarrerak jada salgai

Sarrerak salgai

Datorren abuztuaren 12an Barakaldoko Lasesarre futbol zelaian jokatuko da gizonezkoen Euskal Herriko Lehen Txapelketako finala eta bertan Athletic eta Alaves izango dira aurkari. Arratsaldeko 19:30tatik aurrera iazko lehen mailako derbietan puntu gehien batu zituzten bi taldeak izango dira berdegunean aurrez aurre.

Jose Angel “Kuko” Zigandak eta Luis Zubeldiak zuzentzen dituzten bi taldeen arteko partida honetarako sarrerak dagoeneko salgai daude. Hauek Kutxabank bitartez eskuratu daitezke, bai Internetez (https://tickets.kutxabank.es/ES/description/?id=10884&site=984&b=1)  eta baita kutxazain berezietan ere 5 (16 urtez azpikoentzat) 15 eta 20 eurotan. Guztira 7.100 sarrera daude salgai.

Gogoratu behar da diru etekinik balego hiru taldeen artean (Athletic, Alaves eta Euskal Herria Kirola) erabakiko dela diru horri zer nolako irteera eman, beti ere oinarrizko futbol, emakumezkoen futbola edo Euskal Herriko kirolariak aintzat hartuko direlarik.

 

Denboraldi berriko lehen euskal titulua aurkeztuta

Aurkezpena4

Uztailaren 13an aurkeztu zen Euskal Herriko gizonezkoen Lehen Txapelketako finala. Lasesarre futbol zelaiko berdegunean, abuztuaren 12an, arratsaldeko 19:30tatik aurrera finala jokatuko den tokian bertan izan ziren Jose Angel Iribar, Alfonso Churruca eta Kike Zurutuza, Athletic, Alaves eta Euskal Herria Kirolako ordezkariak hurrenez hurren final honen xehetasunak ematen.

Garaikurra eta txapela aurrean zuela, Kike Zurutuzak esplikatu zuen aurkezten zena “denboraldi berriko lehen tituluaren lehia” zela Euskal Herriko Gizonezkoen lehen txapelketa hau. Partidak ez duela luzapenik izango ere azaldu zuen eta berdinketa emanez gero “zuzenean penaltietara joango ginateke”.

Sarrerak 15 edo 20 eurotan erosi ahal izango dira (16 urtez beherakoek 5 euro bakarrik ordaindu behar dituzte) eta diru etekinik balego “hiru taldeen artean erabakiko da diru horri zer nolako irteera eman, beti ere oinarrizko futbola, emakumezkoen futbola edo Euskal Herriko kirolariak aintzat hartuta”.

Jose Angel Iribarrek, Athleticen ordezkari modura, ere hartu zuen hitza eta beraientzat ohorea zela esan zuen lehen final honetan parte hartzea: “euskal taldeentzat horren denboraldi bikaina izan den honetan Athletic lehen postuan ikustea benetan poztekoa da”.

Euskal Herria Kirolak antolatzen duen txapelketa hau beraz, martxan dago. Emakumezkoen kasuan berriz, zazpigarren finala jokatuko dute aurten, abuztuaren 27an Elgoibarren, Athletic-ek eta Realak.

Abuztuaren 12an jokatuko dute Athleticek eta Alavesek gizonezkoen Euskal Herriko Txapelketako finala

Kartela ona

Gizonezkoen Euskal Herria Txapelketako lehen edizioko finalak badauka data dagoeneko: abuztuaren 12an jokatuko dute Athleticek eta Alavesek txapelaren bila, Barakaldoko Lasesarre futbol zelaian, arratsaldeko 19:30tatik aurrera. Jakina denez, pasa den ligan jokatu ziren derbien rankingean bilbotarrak eta gasteiztarrak izan ziren lehen bi sailkatuak eta hori dela eta, elkarren artean erabakiko da nor izango den trofeo honetako irabazlea.

Partidaren eta garaikurren aurkezpena datorren ostegunean, uztailak 13, goizeko 11:30tan, egingo da Lasesarre zelaian bertan. Han izango dira Jose Angel Iribar Athleticeko ordezkari moduan, Alfonso Churruca Alaves ordezkatzen eta Euskal Herria Kirolako ordezkaria Kike Zurutuza.